വെണ്ണല സർവ്വീസ് സഹകരണ ബാങ്ക് (ക്ലിപ്തം No. E 774)

ബാങ്കിൻറെ സ്ഥാപക പ്രസിഡൻറ് ശ്രീ. സി. എ. മാധവൻ മാസ്റ്ററുടെ നേതൃത്വത്തിൽ 1983-ൽ സ്ഥാപിതമായ വെണ്ണല സർവ്വീസ് സഹകരണ ബാങ്ക് ഭരണ സമിതി അംഗങ്ങളുടെയും ജീവനക്കാരുടെയും അശ്രാന്ത പരിശ്രമംകൊണ്ട് 01-04-2013 മുതൽ ക്‌ളാസ്സ് 1 സൂപ്പർഗ്രേഡ് ബാങ്ക് ആയി ഉയർന്നു.

ഇപ്പോൾ 24000 അംഗങ്ങളും 3.2 കോടി രൂപയുടെ ഓഹരി മൂലധനവും 275 കോടി രൂപ നിക്ഷേപവും 165 കോടി രൂപയുടെ വായ്പ്പ ബാക്കിനിൽപ്പും ഉള്ള ഒരു ധനകാര്യ സ്ഥാപനമായി എല്ലാസേവനങ്ങളും ചെയ്തുവരുന്നു.

ബാങ്ക് നവീകരിച്ച ഓഫീസ് കെട്ടിടത്തിലാണ് പ്രവർത്തിക്കുന്നത്. പൂർണ്ണമായും കമ്പ്യൂട്ടർ വത്കരിച്ച ബാങ്ക് ഹെഡ്ഓഫീസ് രാവിലെ 9:30 മുതൽ വൈകുന്നേരം 7:00 മണി വരെയും ചളിക്കവട്ടം, പാലാരിവട്ടം ബ്രാഞ്ചുകൾ രാവിലെ 9:30 മുതൽ വൈകുന്നേരം 4:30 വരെയും പ്രവർത്തിച്ചു വരുന്നു.

ആലിൻചുവട് SNDP കെട്ടിടത്തിൽ ഒരു നീതി സ്റ്റോറും, ബാങ്കിൻറെ പഴയ ഹെഡ്ഓഫീസിനു താഴെ ഒരു കൺസ്യൂമർ സ്റ്റോറും നിത്യോപയോഗ സാധനങ്ങൾ നിയന്ത്രിത വിലക്ക് നൽകിവരുന്നു. കൂടാതെ സഹകരണ മെഡിക്കൽ ലാബും പൊതുജന സേവന കേന്ദ്രവും പ്രവർത്തിച്ചു വരുന്നു.

ബാങ്കിന്റെ 70 വയസുകഴിഞ്ഞ അംഗങ്ങൾക്ക് വാർദ്ധക്യകാല പെൻഷൻ, അംഗങ്ങൾക്ക് മരണാനന്തരാവശ്യ സഹായ നിധി, വിദ്യാഭ്യാസ പ്രോത്സാഹന സഹായ നിധി, ചികിത്സാ സഹായം എന്നിവ ബാങ്ക് നൽകിവരുന്നുണ്ട്. എല്ലാമാസവും പ്രതിമാസ നിക്ഷേപ പദ്ധതികൾ ആരംഭിച്ചു നടത്തുന്നുണ്ട്. തുടർച്ചയായി അംഗങ്ങൾക്ക് 20% ഡിവിഡൻറ് നൽകി വരുന്നു. സഹകാരികളുടെ നിസ്വാർത്ഥവും ആത്മാർത്ഥവുമായ സഹകരണം കൊണ്ടാണ് ബാങ്ക് ഈ നേട്ടം കൈവരിച്ചിട്ടുള്ളത് എന്ന് പ്രത്യേകം സ്മരിക്കുന്നു.